ក្លិបយក្សក្នុងស្រុកព្រះខ័នរាជ ត្រូវប្រកួតជាមួយ បឹងកេតនៅថ្ងៃ អាទិត្យ ទី ២៩ មេសា ស្អែកនេះ ចាប់ពីម៉ោង ៤:៣០ នាទីរសៀល
នៅពហុកីឡដ្ឋានជាតិ ចំណែក ភ្នំពេញក្រោន ប្រកួតជាមួយ គីរីវង់សុខសែនជ័យ វេលាម៉ោង ២: ៣០ នាទីរសៀល។
ព័ត៌មានត្រួសៗរបស់ចម្ការកៅស៊ូបឹងកេត
អតីតអ្នកចាំទីល្អរបស់ភ្នំពេញក្រោន ប៉េង ប៊ុនឆាយ ទំនងនៅតែជាជម្រើសដំបូងរបស់លោក ប្រាក់ វុទ្ធី។ ចំណែកឯខ្សែប្រយុទ្ធដែលតែងតែបង្ហាញខ្លួនក្នុងជម្រើសដំបូងគឺ យ៉ូប ម៉ារ៉ូតន និង កែវ សុខង៉ន។ ចំពោះ Somaila ចាន់ រិទ្ធី និង Friday ជាខ្សែបម្រើដ៏ល្អក្នុងជំនួបនេះ។ ទូច បញ្ចរ៉ុង ឡ ពេជ្រសិលា ខៀវ វិបុល និង ចាន់ សាឌីន សុទ្ធតែខ្សែការពារ យ៉ាងរឹងមាំរបស់ក្រុម ស្របពេល ខ្សែការពារ ទូច សុខហេង និង ភឿន សៅរុំ មិនបង្ហាញខ្លួនឡើយពីព្រោះទទួលកាតក្រហមពេលក្រុមប៉ះ ជាមួយការពារជាតិសប្ដាហ៍មុន។
នេះជាការប្រកួតលើកទី៦ ដែលក្នុងនោះ ឈ្នះ ៣ ស្មើ ១ ចាញ់ ១ ស៊ុតចូលទីគេ បាន ៩ គ្រាប់ គេស៊ុតចូលវិញ ៥ គ្រាប់ មាន ១០ ពិន្ទុនៅក្នុងដៃ ឈរនៅចំណាត់ថ្នាក់លេខ ៤ បណ្ដោះអាសន្ន។ គ្រាប់បាល់ដែល ធ្លាប់បំប៉ោងទីដៃគូច្រើនបំផុតត្រឹម ៣ – ១ ដោយយកឈ្នះ គីវីវង់សុខសែនជ័យ នៅថ្ងៃប្រកួតដំបូង ហើយ គេស៊ុតបញ្ចូលទីវិញត្រឹមតែ ២ – ១ តែប៉ុណ្ណោះកាលចាញ់ ប៉ូលិស។
លោកគ្រូបង្វឹក ប្រាក់ វុទ្ធី បានលើកឡើងមុនការប្រកួតព្រឹកនេះថា” យើងនៅតែមាន ឆន្ទៈ យកបានបីពិន្ទុបន្ថែមពីការប្រកួតនេះ”។
ព័ត៌មានត្រួសៗរបស់ ព្រះខ័នរាជ...........
