នេះ ខណៈក្រុមលេខ២ក្នុងតារាង ណាហ្គាខប ត្រូវប្រជែងយក៣ពិន្ទុ ជាមួយ ឆ្លាមសមុទ្រ ម៉ោង ៤:៣០នាទី។
បៀលប្រាយយូណាយធីត បច្ចុប្បន្នកំពុងស្ថិតក្នុងតំបន់ដែលត្រូវកាត់ចោលដោយប៉ុន្មានប្រកួតដើមរដូវកាលនេះតែងតែចាញ់។ ក្រុមសាកលវិទ្យាល័យមួយនេះជួបសំណាងឈ្នះ ២ – ០ លើឆ្លាមសមុទ្រតែនៅថ្ងៃបើកឆាកមួយប្រកួតគត់ តែរងគ្រោះចាញ់ផ្ទួនៗ រហូត៤ប្រកួតជាប់គ្នារហូតធ្វើឲ្យលោក មាស សំអឿន កំពុងក្រហមចុងច្រមុះមិនតិចឡើយ។ ក្នុងនោះក៏មានអ្នកផ្ញើមតិមកកាន់ Sabay និយាយពីការធ្លាក់កូដរបស់ក្រុមមួយនេះដែរ។ ព័ត៌មានចេញពីក្លិបឮល្ហិចល្ហៀងថា បៀលប្រាយ ទំនងនឹងសម្លឹងរកកីឡាករបរទេសមកជួយកែប្រែស្ថានការណ៍ដ៏អាក្រក់ នេះ តែពុំទាន់មានព័ត៌មានច្បាស់ការនៅឡើយ។ ការជួបការពារជាតិស្អែកនេះលោក មាស សំអឿន អាចនឹងបន្តខកចិត្តក្នុងការរកគ្រាប់បាល់ បើសិនជាតំបន់ប្រយុទ្ធនៅតែមិនស្រួចស្រាល់ ពីព្រោះ ការពារជាតិ សម្បូរដោយខ្សែការពារល្អ។
រឹង ប៊ុនហៀង អ៊ិន វិរៈ ទុយ សំ និង ញឹម សុវណ្ណារ៉ា តែងតែងចុចឈ្មោះជាខ្សែការពារជម្រើសទី១។ ឈុន សុធារ័ត្ន សែម ប៊ុន្នី និងព្រំ ពុទ្ធសិទ្ធី ជាសមាជិកដែលតែងបង្កើតសាច់បាល់ដ៏ស្វិតស្វាញនៅតំបន់កណ្ដាល ខណៈ ពេជ្រ ស៊ីណា និង ហេង សុខលីនៅតែកាន់តួនាទីប្រយុទ្ធដដែល។ ហែម ស៊ីម៉ៃ មិនសូវបង្ហាញមុខនៅជម្រើសដំបូងប៉ុន្មានឡើយ ហើយ លោក មាស សំអឿន តែងដាក់ការទុកចិត្តលើ សុះ ប្រុសហ៊ីម ជាអ្នកចាំទីដៃទី១។
ខ្សែប្រយុទ្ធស្អែកនេះទំនងនឹងប្រើប្រាស់ មាឃ ឆដារ៉ាវុធ ផួង សុខសាន់ណា និង អ៊ុង តារា។ ខ្សែការពារ ខែក ខេមរិន្ធ ពុំ តុលា កែ វណ្ណៈ និង នេត វាសនា មិនសូវបាត់មុខពីជម្រើស១១នាក់ឡើយ ខណៈដែលតំបន់បម្រើនៅជឿជាក់លើ ឈិន ឈឿន អុំ កុម្ភៈ ពៅ ភារិទ្ធ និង សឹង ចាន់វ៉ាន់ណូ ជាដើម។
ជួបគ្នារដូវកាល២០១១
២៩ ឧសភា ២០១២ បៀលប្រាយ ២-១ ការពារជាតិ
៩ កក្កដា ២០១២ ការពារជាតិ ០-៣ បៀលប្រាយ
0 comments:
Post a Comment